دفاع وزارت په بغلان کې د پوځي الوتکې غورځیدل تایید کړل

کابل (پژواک، ۲۰ چنګاښ ۹۹): د ملي دفاع وزارت په بغلان ولایت کې دیوې پوځې الوتکې لوېدل تاییدوي، خو وایي چې پیلوټ یې ژغورل شوی دی.

د ملي دفاع وزارت له خوا د چنګاښ په ۲۰مه پژواک اژانس ته په رالېږل شوې خبرپاڼه کې راغلي چې دا ای ۲۹ ډوله الوتکه پرون غرمه مهال د بغلان په دوشي ولسوالۍ کې د فني او تخنیکي ستونزو له امله غورځېدلې ده.

سرچینې زیاته کړې چې د دې الوتکې پیلوټ په خوندي توګه ځان ژغورلی دی.

د ملي دفاع وزارت ویلي چې د پېښې په تړاو یې پلټنې پیل کړې دي.

بلخوا په افغانستان کې امریکایي خواکونو ویلي چې یاده الوتکه د یوه امریکایي پیلوټ له خوا  د تمریناتو په موخه الوځول شوې وه.

سرچینې زیاته کړې چې پيلوټ د الوتکې له غورځېدو مخکې ځان په پراشوټ کې غورځولی او کوم زیان ورته نه دی ور اوښتی.

غړي

You need to subscribe to view the full article. Please login or register a new account.