منځپانګې ته تلل
سه‌شنبه ۱۷ نومبر ۲۰۲۶ · کابل ۲:۱۴ غ.م
۲° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

یوسفزی: وړاندیز مو کړی چې د کرکټ نړیوال جام افغانستان کې وشي

· ۲ دقیقې لوستل · ۱۲۴ کتنې

کابل(پژواک، ۸ زمری ۹۹): د افغانستان کرکټ بورډ مسوولین وایي، د کرکټ نړیوالې شورا ته یې وړاندیز کړی چې راتلونکی نړیوال جام دې افغانستان کې وشي.

دغه څرګندونې د کرکټ بورډ ادارې مشر فرهان یوسفزي نن د زمري په ۸مه په کابل کې یوې خبري ناستې ته وکړې.

هغه وویل، له ای سي سي څخه یې غوښتنه کړې چې د راتلونکي نړیوال جام لوبې افغانستان کې وشي ترڅو افغان کرکټ د نړۍ په کچه لا پیاوړی وښودل شي.

دی وایي، د تېرکال په پرتله یې د ادارې بودیجه ډېره په مثبت ډول مصرف کړې، اصلاحات یې راوستي او د لوبغاړو ترمنځ یې پر اتفاق کار کړی.

هغه زیاته کړه، په وروستیو کې یې په کابل کې د یوه نړیوال کرکټ لوبغالي جوړېدو لپاره د ځمکې اخیستو پروسې طی کړې دي.

یوسفزی وایي، بله لاسته راونه یې داده چې د کرکټ د نړیوالې شورا په ځینو کمېټو کې د غړیتوب لپاره افغانانو ته هم ځای پیدا شوی دی.

نوموړي د کرکټ بورډ د اجراییه رییس لطف الله ستانکزي ګوښه کېدو په اړه وویل، له هغه سره یې څو وارې د کرکټ په مسایلو خبرې وکړې، خو کله یې پایله یې ورنه کړه ځکه د ګوښه کېدو پرېکړه یې وکړه.

دی وایي د نوي اجراییه رییس د ګومارنې برخه کې به ډېرې مشوري وکړي او حتی له ای سي سي څخه به هم په کې مرسته وغواړي ترڅو د روڼتیا پر بنسټ ګومارنې وکړي.

د هغه په وینا، ژمنه کوي، چې له دې وروسته به په دې اداره کې د فساد مخنیوی وکړي او د لوبغاړو انتخابېدو برخه کې کوم ځانګړی ډیټابیس چې جوړ شوی د سلیکشن کمېټه به له هغې کار اخلي.

دا په داسې حال کې ده چې دوه ورځې وړاندې کرېکټ بورډ ادارې اجرائیه رییس لطف الله ستانکزی د "خرابې کارکردګۍ،مدیریتي بې غورۍ او له مدیرانو سره د بد سلوک" له امله له دندې ګوښ کړ.

غړي

You need to subscribe to view the full article. Please login or register a new account.

اړوند خبرونه

ټول لوبې