کابل (پژواک، ۱۱ زمری ۹۹): د عامې روغتیا وزارت وایي چې په تېرو ۲۴ساعتونو کې په هېواد کې ۳۵کسان پر کرونا اخته شوي دي.
د عامې روغتیا له وزارت په خپره شوې خبرپاڼه کې ویل شوي چې په تېرو ۲۴ساعتونو کې ۳۵ کسان پر کرونا اخته شوي او د دې ناروغۍ له امله يو کس مړ شوی دی.
سرچینه وایي چې له دې سره په افغانستان کې په کرونا د اخته کسانو شمېر ۳۶۷۱۰ ته ورسېد. د عامې روغتیا وزارت وایي چې په تېرو ۲۴ ساعتونو کې داسې کوم راپور نه دی ترلاسه کړی چې کوم کس دې له يادې ناورغۍ بېرته روغ شوی وي، خو تردې دمه په هېواد کې له کرونا ۲۵۵۰۹ کسان بېرته روغ شوي دي.
د عامې روغتیا وزارت زیاتوي ، د یاد یو کس له مړه کېدو سره په هېواد کې تراوسه د کرونا له امله ۱۲۸۳ کسان مړه شوي دي.
د عامې روغتیا وزارت وایي چې په تازه ثبت شویو ۳۵ پېښو کې ۱۳ په هرات، پنځه، پنځه په تخار او بغلان، درې په غزني، دوه، دوه په کابل، پکتيا او کندوز او يوه يوه پېښه په ننګرهار، پروان او پنجشېر ولایتونو کې ثبت شوې دي.
د عامې روغتیا وزارت ویلي چې خلک دې روغتیايي لارښوونې په نظر کې ونیسي په ځانګړې توګه د اختر په ورځو کې.
غړيYou need to subscribe to view the full article. Please login or register a new account.
