چاریکار (پژواک، ۲۱ زمري ۹۹): د پروان ولایت د منتخب ټيم لپاره د مخکښو څېرو ټاکلو په پار د دغه ولایت په مرکز کې د ۱۲ ټيمونو ترمنځ د کرکټ لس ورځنۍ سیالۍ پیل شوې.
په پروان کې د کرکټ بورډ د دفتر مسوول حامد صدیقي پژواک خبري اژانس ته وویل، دغه سیالۍ چې په ګروپي چوکاټ کې او د هېواد د کرکټ بورډ تر مستقیم څار لاندې تېره ورځ پیل شوې، هره ډله د درېیو ټیمونو لرونکې ده او هر ټېم به په درېیو لوبو کې سیالي کوي.
په همدې حال کې د پروان ولایت ورزشي امر محمد عظیم وایي، دغه سیالۍ په دغه ولایت کې د کرکټ د میدان د نه شتون له امله، دپروان ولایت په مرکز چاریکارو کې د بیات په ورزشي سټډیوم کې ترسره کېږي.
بلخوا د کرکټ لوبغاړي د دغه سیالیو له ترسره کولو هرکلی کوي، خو د تمریناتو د دوام لپاره د لازمو سهولتونو د نه شتون له امله شکایت کوي.
د دغه سیالیو یو ګډونوال سید محمد په پروان کې د کرکټ میدان د نه شتون له امله شکایت کوي او وایي:«د کرکټ لوبې لپاره د میدان نه شتون له امله لږ سیالۍ ترسره کېږي، له ډېرې ستونزې سره مخ یو، که د دولتي بنسټونو یا کوم کس له خوا د دغه ستونزې حل ته پام وشي، ډېره ښه به وي.»
غړيYou need to subscribe to view the full article. Please login or register a new account.










