مهترلام (پژواک، ۲۴ وږی ۹۹): د لغمان په مرکز مهترلام کې د څه کم لس میلیونه افغانیو په لګښت د يوه ښوونځي ودانۍ جوړه شوه چې د ۴۰۰ سوه زده کوونکو ځایولو وړتیا لري.
د مياخېل په نوم دغه ښوونځی د وږي په ۲۴مه پرانيستل شو چې په کې والي او يو شمېر نورو مسوولينو هم برخه اخيستې وه.
د پوهنې رييس عبداالله حمیدي پژواک ته وويل، د بابا صېب په دښته کې د میاخېلو لومړنی ښوونځی د سویډن موسسې له لوري د ۹ میلیونه، ۷۵۰زره او ۳۱۰ افغانیو په لګښت جوړ شو.
نوموړی وایي، یاد ښوونځی ۶ تدریسي، ۲ اداري خونې، ۱۰ تشنابونه، د پاکو اوبو څاه، ۱۸۰ متره احاطوي دېوال او ۱۱۸ دو نفري چوکۍ لري چې د یوه کال په موده کې یې چارې بشپړې شوې.
د پوهنې رييس زیاتوي چې د میاخېلو ښوونځی ۴۰۰ زده کوونکي لري او د دغه تعمیر په جوړېدو سره یې ډېرې ستونزې حل شوې.
د لغمان والي رحمت الله يارمل له ځايي خلکو وغوښتل چې دا ودانۍ د خپلو اولادونو د ښې راتلونکې په خاطر ښه وساتي او که په چارو کې يې هر راز درغلي شوې وي او دوی يې اسناد ولري ولايت سره دې شريک کړي.
د ولایتي شورا رييس عتیق الله عبدالرحیمزي د سویډن له موسسې غوښتنه وکړه چې ورته ښوونځي دې د دغه ولایت په نورو سیمو کې هم جوړ کړي.
د سیمې یوه قومي مشر ډګروال عبدالقادر له مسوولینو مننه وکړه چې کوچنیانو ته د ښوونځي لپاره ودانۍ جوړه شوه، هغه دغه راز یادونه وکړه چې یاد ښوونځی دې لا پراخ شي.
غړيYou need to subscribe to view the full article. Please login or register a new account.
