جلال اباد (پژواک ۲۵ وږی ۹۹): د ننګرهار مرکز جلال اباد ښار کې د ملي امنيت پر کارکوونکو چاودنه شوې چې چارواکي په کې د څلورو سرتېرو د مرګ ژوبلې خبر ورکوي.
چارواکي وايي، چاودېدونکي توکي د سړک منځ ګلدان کې ځای پرځای شوي و.
د ننګرهار د والي وياند عطاء الله خوږياڼي د وږي په ۲۵مه پژواک اژانس ته وويل، نن سهار شاوخوا ۹ بجې او ۴۵ دقيقې د جلال اباد ښار د دويمې ناحيې اړوند انګور باغ سړک باندې د ملي امنيت د کارکوونکو په هايلکس ډوله موټر چاودنه شوې.
دی وايي، چاودېدونکي توکي د سړک منځ ګلدان کې ځای پرځای شوي و او کله چې موټر له سيمې تېرېده چاودنه يې کړې ده.
هغه زياته کړه چې په دې چاودنه کې د ملي امنيت يو سرتېری وژل شوی او درې نور ټپيان دي.
د والي وياند وويل، ټپي سرتېري روغتون ته لېږدولي شوي او سيمه د امنيتي ځواکونونو تر کنټرول لاندې ده.
د يادې چاودنې مسووليت د دولت کومې مخالفې وسله والې ډلې پر غاړه نه دی اخيستی.
غړيYou need to subscribe to view the full article. Please login or register a new account.
