د بلخ په دولت اباد کې ١٥ طالبان د خپل ماين چاودنې وژلي

مزارشريف (پژواک، ٢٩ وږى ٩٩): په شمال کې د شاهين قول اردو وايي چې د بلخ په دولت اباد ولسوالۍ کې ١٥ وسله وال طالبان د خپل ماين چاودنې وژلي دي.

د يادو قول اردو له خوا د وږي په ٢٩مه په يوه خپره شوې خبرپاڼه کې راغلي چې ياده پېښه پرون ماښام شاوخوا شپږ بجې د دولت اباد ولسوالۍ په بيدو کلي کې رامنځته شوې ده.

سرچينې زياته کړې چې د طالبانو د ماينونو جوړولو يوه ماهر خپلو نورو ملګرو ته د ماينونو جوړولو روزنه ورکوله چې ناڅاپه يوه ماين پرې چاودنه کړې ده.

شاهين قول اردو ادعا کړې ده چې په دې چاودنه کې د دغه انجنير په ګډون ١٥ طالبان وژل شوي دي.

وسله والو طالبانو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.