جلال اباد (پژواک، ۲۴ تله ۹۹): د ننګرهار ولايت چارواکي وايي، د دغه ولايت د ملي امنيت ادارې په هلو ځلو اته داعش وسله وال دولت ته تسلیم او لس وسله وال طالبان د سولې له بهیر سره یو ځای شول .
يادو وسله والو د تلې په ۲۴مه د ملي امنيت انګړ کې د يو رسنيز کنفرانس پرمهال خپلې وسلې هم امنيتي ځواکونو ته وسپارلې.
د ننګرهار ولایت مرستیال والي تمیم عارف مومند وويل، د ملي امنیت ادارې په هلو ځلو اته داعشیان تسلیم او لس طالبان د سولې له بهیر سره یو ځای شول او همدا راز یې خپلې وسلې هم دوی ته وسپارلې .
دی وایي، دې وسله والو د ننګرهار ولايت خوږیاڼو، بټي کوټ، چپرهار، هسکه مینه او اچین ولسوالیو کې دولت ضد کړنې ترسره کولی، خو اوس يې د سولې لار خپله کړه.
هغه له نورو وسله والو مخالفینو هم وغوښتل چې له جګړې لاس واخلي او د سولې لارې په خپلولو سره د نورو افغانانو په څېر د وطن د ابادۍ او سوکالۍ لپاره کار وکړي .
د سولې بهیر سره یو ځای شوي طالب امدادالله وویل چې تر دې وړاندې یې په بټي کوټ او چپرهار ولسوالیو کې ورانکاري فعالیتونه کول چې د حقایقو په درک کولو سره یې د سولې لاره غوره کړه او د تل لپاره یې له جګړې لاس واخیست .
تر دې وړاندې هم د ملي امنیت په هڅو لسګونه د دولت وسله وال مخالفین تسلیم او سولې بهیر سره یو ځای شوي دي .
غړيYou need to subscribe to view the full article. Please login or register a new account.
