ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

غزني کې موټر بم بريد شوى دى

غزني کې موټر بم بريد شوى دى

author avatar
20 Oct 2020 - 16:08
غزني کې موټر بم بريد شوى دى
author avatar
20 Oct 2020 - 16:08

غزني ښار (پژواک، ٢٩ تله ٩٩): د غزني په قره باغ ولسوالۍ کې د پوليسو ګزمې ته څېرمه د موټر بم بريد شوى چې په ترڅ کې يې درې پوليس ټپيان شوي دي.

د غزني د امنيې قوماندانۍ وياند احمد خان سيرت د تلې په ٢٩مه پژواک خبري اژانس ته وويل چې نن له غرمې وروسته د قره باغ ولسوالۍ بازار ته نږدې د موټر بم بريد شوى دى.

هغه وايي: ((موټربم وړاندې تر دې چې پوليسو ته ورسيږي چاودنه يې کړې چې خپله ځانمرګى په کې وژل شوى دى.))

د سيرت د معلوماتو له مخې، په دې پېښه کې درې پوليس هم برسېرن ټپيان شوي دي.

د سيمې يوه اوسېدونکي رحيم الله پژواک ته وويل، د موټربم دغه بريد هغه مهال وشو، کله چې د پاڅونوالو قوماندان رمضان له سيمې څخه د تېرېدو په حال کې و.

ده وويل چې رمضان خپله جوړ دى، خو يو شمېر نور کسان په دې پېښه کې ټپيان شوي دي.

د دغه بريد مسووليت تر اوسه کومې ډلې نه دى منلى.

د يادونې ده چې په دې وروستيو کې د هېواد په بېلابېلو سيمو کې د موټربم بريدونو کچه لوړه شوې چې له امله يې ملکي وګړو ته هم مرګ ژوبله اوړي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.