جلال اباد (پژواک،۲ لړم۹۹): د ننګرهار د والي ویاند وایي، تېره شپه د دغه ولایت په خوږیاڼو ولسوالۍ کې د شپږو پاکستانيانو په ګډون ۱۲ د دولت وسله وال مخالفین وژل شوي او اووه نور ټپيان دي.
د ننګرهار د والي وياند عطاء الله خوږياڼي د دغو څرګندونو تر څنګ پژواک ته وویل چې یادو ۱۹ کسانو ته دغه مرګ ژوبله د خوږياڼو په ډنډو سيمه کې د دولتي ځواکونو په ځمکنیو او هوایي ځوابي بریدونو کې اوښتې ده.
د ده په وینا، د وسله والو طالبانو مړي او د هغوی اووه کلاشينکوفونه او یوه پيکا په سيمه کې پاتې دي.
دی وايي، په یادو بريدونو کې ملکي وګړو او امنيتي ځواکونو ته زيان نه دی اوښتی.
طالبانو تر اوسه په دې اړه څه نه دي ویلي.
غړيYou need to subscribe to view the full article. Please login or register a new account.
