کابل (پژواک، ٢ لېندۍ ٩٩): د ملي دفاع وزارت وايي چې دولتي ځواکونو په هغو عملیاتو کې چې د طالبانو د بریدونو په غبرګون کې یې وکړل، په ترڅ کې یې د بدخشان مایمي ولسوالۍ له طالبانو بېرته نیولې ده.
وسله والو طالبانو تېره اوونۍ د دې ولسوالۍ د نيولو پر مهال د امنيه قوماندان په ګډون ګڼو امنیتي سرتېرو ته مرګ ژوبله اړولې وه.
د ملي دفاع وزارت وايي، په دغو عملیاتو کې وسله والو طالبانو ته درنه مرګ ژوبله اوښتې ده او د هغوى ډېر شمېر وسلې او مهمات د امنیتي ځواکونو له لوري له منځه وړل شوي دي.
په خبرپاڼه کې راغلي، دغه راز په یاده ولسوالۍ کې یو شمېر تازه دمي ځواکونه ځای پر ځای شوی او نور به طالبانو ته اجازه ورنه کړي چې هېوادوالو ته زیان ورسوي.
وسله والو طالبانو تر اوسه په دې اړه څه نه دي ويلي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن