خوست ښار (پژواک، ١٨ مرغومى ٩٩): امنيتي مسوولين وايي، خوست کې د سړک غاړې ماين چاودنې دوه ملکي وګړي وژلي او يو پوليس افسر يې ټپي کړی دی.
دغه چاودنه نن له غرمې وروسته د خوست ښار لوېديځ لور ته د مټه چينې په سيمه کې د پولیسو پر رینجر موټر شوې ده.
د خوست امنيې قوماندانۍ هم د پېښې پخلی کړی دى.
بل پلو د ولايتي ملکي روغتون مسوولين هم وايي چې دوی ته د پېښې له ځايه دوه جسدونه ور وړل شوي دي.
د يادې چاودنې مسووليت تر دې دمه چا پر غاړه نه دی اخيستی.
