زرنج (پژواک، ١٢ سلواغه ٩٩): د نیمروز امنیې قوماندانۍ په دغه ولایت کې د شاوخوا ٢٤٠ کیلوګرامه نشه یي توکو ترلاسه کولو خبر ورکړی دی.
د نیمروز امنیې قوماندانی مطبوعاتي خبرپاڼه کې چې پژواک خبري اژانس ته را رسېدلې، راغلي چې دغه نشه یي توکي پرون ماښام د دغه ولایت له نشه یي توکو سره مبارزې مدیریت منسوبینو له خوا د کنګ ولسوالۍ د سیاه چشمان کلي په سرشېله سیمه کې د یوه کرولا موټر تلاشۍ پر مهال نیول شوي دي.
د سرچینی معلوماتو له مخې، د خوست نمبر پلېټ لرونکی دغه کرولا موټر کې ۸۳ کیلوګرامه شیشه، ۱۱۰ کیلوګرامه تریاک، ۱۳ کیلوګرام هیرویین او ۲۱ کیلوګرام کریستال په ماهرانه ډول ځای پر ځای شوي وو.
د امنیې قوماندانۍ مسوولین وایي چې د دې پېښې په تړاو یې څوک نه دي نیولي.
Visits: 18
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن