اروزګان کې د ملي اردو يوه کنډک قوماندان وژل شوى

ترينکوټ (پژواک، ٢٠ سلواغه ٩٩) : په اروزګان ولايت کې له وسله والو طالبانو سره په نښته کې د ملي اردو د يوه کنډک قوماندان وژل شوى دى.

د دې ولايت يوې باوري امنيتي سرچينې چې د نوم له څرګندولو يې ډډه کوله، د سلواغې په ٢٠مه، پژواک اژانس ته وويل چې د ولایت په مرکز ترینکوټ کې تېره ورځ له وسله والو طالبانو سره په نښته کې د ملي اردو د اووم کنډک قوماندان ډګرمن ذبیح الله غیور وژل شوی دى.

سرچينې زياته کړه، ذبيح الله چنارک سیمې ته د یوې قرارګاه د جوړېدو لپاره تللی و، چي طالبانو ورباندې برید وکړ.

د سرچينې په وينا، نوموړي د ۲۰۵ اتل قول اردو د څلورمي لوا د اووم کنډک د قوماندان په توګه دنده ترسره کوله

وسله والو طالبانو تراوسه په دې اړه څه نه دي ويلي.

غړي

You need to subscribe to view the full article. Please login or register a new account.