کابل (پژواک ۱۱ کب ۹۹):د ملي دفاع وزارت وایي چې له پراخه ارزونو وروسته د باغیس ولایت په بالامرغاب ولسوالۍ کې د ملي اردو د «خالد» په نوم مرکز له یادې سېمې څخه بلې سېمې ته ولیږدول شو.
دغه وزارت نن د کب په ۱۱ مه په یوه خبرپاڼه کې ویلي چې، په بالامرغاب ولسوالۍ کې د دې مرکز شتون د دفاعي او امنیتي ځواکونو لپاره له ستراتیژیک پلوه ارزښت نه درلود او له بل طرفه، اډژ ته د تګ را تګ لاره نا مناسبه وه، چې پر وخت او موقع سره د یادې پایګاه د ځواکونو اکمال او تجهیز ستونزمن وو.
سرچینې زیاته کړې ملي اردو ځواکونه به له نوې جوړې شوې پوځي اډې څخه خپل محاربوي فعالیتونه او عملیات په ښه توګه تنظیم او تر سره کړي، چې د بادغیس د اوسیدونکو د ځان او مال ساتنې په برخه کې به اغیزمن تمام شي.
Visits: 226
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن