ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پروان کې یوه ځوان ځان وژنه کړې او په فراه کې یوه دولتي کارکوونکې وژل شوې

پروان کې یوه ځوان ځان وژنه کړې او په فراه کې یوه دولتي کارکوونکې وژل شوې

فراه ـ چاریکار (پژواک۶ غبرګولی۱۴۰۰): وسله والو مخالفینو په فراه ولایت کې د دولت یوه کارکوونکې وژلې، بلخوا پروان ولایت کې یوه ۲۸ کلن ځوان د رواني ناروغۍ له امله ځان وژنه کړې ده.

د فراه امنیې قوماندانۍ ویاند فاروق حضرتي پژواک خبري اژانس ته وویل چې پرون مازیګر یوه ۵۰ کلنه ښځه د فراه ښار په کوکشیب کلي کې چې د طالبانو تر ولکې لاندې سیمه ده وژل شوې ده.

حضرتي وایي چې دغه مېرمن کبرا فایز نومېده او په فراه کې د ماشومانو د تربیې او اصلاح د مرکز د حقوقو مدیره وه.

تر اوسه د دغې پېښې مسوولیت چا نه دی منلی.

د یو بل خبر له مخې په پروان کې یوه ۲۸ کلن ځوان د رواني ناروغۍ له امله ځان د توتانو په ونه کې غرغره کړی.

د پروان امنیه قوماندانۍ له جنایي جرمونو سره د مبارزې مدیر محمد صدیق هاشمي د دغې پېښې د تائید ترڅنګ پژواک ته وایي چې دغه پېښه د جبل السراج ولسوالۍ په ګلبهار پایین کوڅه کې رامنځته شوې ده.

هاشمي د وژل شوي ځوان د کورنۍ په خبره وایي چې دوی پرهېچا د زوی د وژنې ادعا نه لري، دغه ځوان د رواني ناروغۍ له کبله ځان په دارکړی دی.

Views: 50

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.