لښکرګاه (پژواک، ٢٣ غبرګولى ١٤٠٠): د هلمند ولايتي شورا وايي چې په مرکز لښکرګاه کې اته پوليس په مرموز ډول وژل شوي او يو شمېر نور يې ټپيان شوي دي.
د هلمند د ولايتي شورا رييس عطالله افغان د غبرګولي په ٢٣مه پژواک خبري اژانس ته وويل چې تېره شپه شاوخوا لس بجې د مرکز لښکرګاه اړوند د بُست کلا په يوې پوستې کې اته پوليس وژل شوي او يو شمېر نور ټپيان شوي دي.
دى زياتوي: “تر اوسه معلومه نه ده چې دغه پېښه څنګه رامنځته شوې، خو په اړه يې پلټنې روانې دي.”
خو په سيمه کې يوې بلې سرچينې پژواک ته وويل چې تېره شپه د بُست کلا په پوسته کې يو پوليس خپل نهه ملګري وژلي او خپله له سيمې څخه تښتېدلى دى.
خو د هلمند د امنيې قوماندانۍ وياند محمد زمان همدرد بيا وايي چې په دې اړه معلومات نه لري.
بل لورته د افغان دولت وسله والو مخالفينو هم تر اوسه په دې اړه څه نه دي ويلي.
د يادونې ده چې تر دې وړاندې هم په بېلابېلو پوستو کې امنيتي سرتېري د خپلو ملګرو له لوري چې نفوذي کسان يې بولي وژل شوي دي.
Visits: 33
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن