کابل ښار کې د ترافیکي پېښې له امله لسو کسانو ته مرګ ژوبله اوښتې ده

<p style="text-align: justify;">کابل (پژواک، ۲۷ غبرګولی ۱۴۰۰): په کابل ښار کې د ترافیکي پیښې له امله لسو کسانو ته مرګ ژوبله اوښتې ده.</p>

<p style="text-align: justify;">د کابل د پولیسو ویاند بصیر مجاهد د غبرګولي په ۲۷مه پژواک اژانس ته وویل چې دا پېښه نن سهار د کابل ښار د دوولسمې حوزې اړوند د احمدشاه بابا مینې پر عمومي سړک رامنځته شوې ده.</p>

<p style="text-align: justify;">هغه زیاته کړه چې د استقلال د تېلو ټانک ترڅنګ د سپرلیو یو مرسډیز له زرنج او هندي ريکشې سره ټکر کړی چې له امله یې درې کسان مړه او اووه نور ټپیان شوي دي.</p>

<p style="text-align: justify;">مجاهد وایي چې د مرسډیز موټر چلوونکی نیول شوی او پلټنې ترې پیل شوې دي.</p>

<p style="text-align: justify;">د زبیر په نوم د سیمې یوه اوسېدونکي پژواک اژانس ته وویل چې دا پېښه د ماموریت څلورلارې او بتخاک څلورلارې ترمنځ رامنځته شوې ده.</p>

<p style="text-align: justify;">ده زیاته کړه چې مرسډیز لومړی له زرنج سره او بیا له یوې هندي ریکشې سره ټکر کړی چې له امله یې لسو کسانو ته مرګ ژوبله اوښتې ده.</p>

<p style="text-align: justify;">د کابل ښار ډېری اوسېدونکي د مرسډیز موټرو له چلوونکو شکایت کوي چې قانون ته درناوی نه لري او ډېری مهال بې احتیاطي کوي.</p>