ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د پښتونخوا په درېیو سیمو کې د پولیو ټېمونو پر ساتونکو بریدونه شوي

د پښتونخوا په درېیو سیمو کې د پولیو ټېمونو پر ساتونکو بریدونه شوي

author avatar
2 Aug 2021 - 15:28
د پښتونخوا په درېیو سیمو کې د پولیو ټېمونو پر ساتونکو بریدونه شوي
author avatar
2 Aug 2021 - 15:28

کابل (پژواک، ۱۱ زمری ۱۴۰۰): د خیبر پښتونخوا په درېیو سیمو کې د پولیو یا ګوزڼ واکسین د ټېمونو پر ساتونکو بریدونه شوي چې له امله یې یو شمېر پولیسو ته مرګ ژوبله اوښتې ده.

پاکستانۍ رسنیو خبر ورکړی چې دا بریدونه د خیبر پښتونخوا په دېره اسماعیل خان، سوېلي وزیرستان او پېښور کې شوي دي.

د ځایي مسوولینو د معلوماتو له مخې، وروستی برید نن (د زمري ۱۱مه) په دېره اسماعیل خان ولسوالۍ کې شوی دی.

د دې سیمې د پولیسو ویاند امتیاز علي رسنیو ته ویلي چې نن سهار د کلاچې په سیمه کې وسله والو کسانو د پولیسو ټېم پر ساتونکو ډزې کړې چې له امله یې یو پولیس وژل شوی او یو بل ټپي دی.

دغه راز پرون د سوېلي وزیرستان په لدها سیمه کې هم د پولیسو ټېم پر ساتونکو برید شوی چې له امله یې یو کس ټپي شوی دی.

د یو بل خبر له مخې، پرون د پېښور ښار په داوودزي سیمه کې هم د پولیو پر ساتونکو ډزې شوې چې له امله یې یو پولیس وژل شوی دی.

په خېبرپښتونخوا کې د پوليو پروګرام د مخنيوي چارواکي وايي، له يادو پېښو وروسته په دغه ولایت کې د پولیو کمپاين نه دی درول شوی دی.

د پاکستان تحریک طالبان په وزیرستان کې د برید مسوولیت پر غاړه اخیستی دی.

Visits: 33

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.