کابل (پژواک، ۱۲ زمری ۱۴۰۰) : د میدان وردګو ولایت د سید اباد ولسوالۍ ولسوال امیر محمد ملکزی د کابل ښار د پنځمې حوزې په اړونده سیمه کې وژل شوی دی.
د میدان وردګو ولایت مقام له خوا په یوه خپره شوې خبرپاڼه کې راغلي چې دغه پېښه نن تر غرمې وروسته د کابل ښار د پنځمې حوزې اړونده په خوشحال خان سیمه کې رامنځته شوې ده.
د میدان وردګو والي لونګ فیضان د ولسوال پر وژل کېدو خواشیني څرګنده کړې او هغه یې د هېواد خدمتګار بللی دی.
د کابل ولایت پولیسو تر اوسه په دې اړه څه نه دي ویلي.
د یادونې ده، چې د کابل ښار په پنځمه ناحیه کې لسګونه دولتي ملکي او نظامي کارمندان وژل شوي دي.
. . .
