مزارشريف (پژواک، ١٦ زمرى ١٤٠٠): سیمه ییزې سرچینې وایي چې نن سهار طالبانو د بلخ ولایت پر دهدادي ولسوالۍ او د شاهین قول اردو پر قوماندانۍ لږ تر لږه ۱۱ هاوانونه توغولي دي.
د شاهین قول اردو یوې سرچینې پژواک ته وویل چې د هاوان مرمۍ توغولو له امله قول اردو او امنیتي ځواکونو ته زیان نه دی رسېدلی.
د سرچینې په وینا، د طالبانو له خوا ویشتل شوي هاوانونه پر هدف نه دي لګېدلي.
د دهداي ولسوالۍ اوسېدونکي رحیم الله پژواک ته وویل چې ځیني هاوانونه د دې ولسوالۍ پر یو شمېر سیمو لګېدلي دي.
هغه زیاته کړه چې تر اوسه یوازې د دوو ماشومانو د ټپي کېدو خبر ورته رسېدلی دی.
دولتي چارواکو او طالبانو تر دې مهاله په دې تړاو څه نه دي ویلي.
GET IN TOUCH
NEWSLETTER
SUGGEST A STORY
PAJHWOK MOBILE APP