دویم تعقیب- کابل (پژواک ۴ وږی ۱۴۰۰): د کابل ښار د هوايي ډګر ته څېرمه دوه چاودنه شوې دي چې مرګ ژوبله هم لري.
لومړۍ چاودنه نن مازيګر کابو شپږ بجې د حامد کرزي هوايي ډګر د باران په کمپ کې شوې او دويمه تردې يو ساعته وروسته شوې ده.
تر لومړۍ چاودنې وروسته د ډزو غږونه هم اورېدل شوي دي.
د امریکا د دفاع وزارت ویاند جان کربي پر ټویټر د پیغام په خپرولو سره لومړۍ چاودنه تایید کړې ده.
دا په داسې حال کې ده چې د هوايي ډګر په شاوخوا کې زرګونه کسان راټول شوي او هڅه کوي چې بهر ته لاړ شي.
