ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د خبریالانو د خوندیتوب کمېټه له خبریالانو سره پر تاوتریخوالیو اندېښمنه ده

د خبریالانو د خوندیتوب کمېټه له خبریالانو سره پر تاوتریخوالیو اندېښمنه ده

author avatar
18 Oct 2021 - 15:38
د خبریالانو د خوندیتوب کمېټه له خبریالانو سره پر تاوتریخوالیو اندېښمنه ده
author avatar
18 Oct 2021 - 15:38

کابل (پژواک، ۲۶ تله ۱۴۰۰): د خبریالانو د خوندیتوب کمیټه وايي، د نوي نظام تر رامنځته کېدو وروسته د خبریالانو پر وړاندې د تاوتریخوالي ګڼې پېښې رامنځته شوې چې ډېرې یې حکومتي کسانو پورې اړوند دي، خو چارواکي دا څرګندونې ناسمي بولي.

د افغان خبریالانو د خوندیتوب کمېټې د يوې خپرپاڼې په خپرولو سره ويلي، له کله چې په افغانستان کې نوی نظام رامنځته شوی تراوسه د خبریالانو پر وړاندې د تاوتریخوالي ګڼې پېښې رامنځته شوې دي زیات شمېر یې د «افغانستان اسلامي امارت پورې اړوندو کسانو» له خوا شوې دي.

په خبرپاڼه کې د تاوتریخوالیو د یادو پېښو په اړه جزییات نه دي ورکړل شوي.

سرچینه زیاتوي: «د افغان خبریالانو د خوندیتوب کمېټې د خبریالانو د ملاتړ بنسټ په توګه هڅه کړې چې د دغو پېښو د تعقیب او څرنګوالي د معلومولو په خاطر د افغانستان د اسلامي امارت له چارواکو سره اړیکې ونیسي او معلومات ترلاسه کړي، مګر پرته له محدودو قضایاوو څخه، هیڅ ډول ځواب یې نه دی ترلاسه کړی.»

دغې کمېټې له مسوولو چارواکو غوښتي چې د خبریالانو پر وړاندې د تاوتریخوالو د پېښو په اړه د افغان خبریالانو خوندیتوب کمېټې سره همکاري وکړي، تر څو خبریالان وکړای شي په بې پرې توګه خپل راپورونه چمتو او له خپلو قانوني کاري حقونو څخه برخمن شي.

خو د اطلاعاتو او فرهنګ وزارت د نشراتي مرستيال ذبيح الله مجاهد سکرټر بلال کريمي په دې اړه پژواک خبري اژانس ته وویل چې دغه څرګندونې نه تاييدوي او يو لوريزه يې بولي.

دی وایي چې د دا ډول اعلاميو خپرول د پروپاګنډ توکي برابروي.

بلال کریمي زیاتوي: «کله چې اسلامي امارت کابل او ټول ولايتونه ونيول، له رسنيو سره يې خورا ښه برخورد درلود، د هیڅ رسنۍ پر فعاليت محدودیت نه دی وضع شوی او د ستونزو د حل لپاره خبریالانو ته ځانګړې اجازه نامې ورکړل شوې دي.»

دی زياتوي، ځينې خبريالان د نوي حکومت له همغږۍ پرته محرمو او محافظت شويو سيمو ته تللي او کېدای شي د «مجاهدينو له برخورد سره مخ شوي وي»

هغه وایي، دا ډول پېښې ډېرې کمې او تر څېړنې لاندې دي.

کريمي له رسنيو او د رسنیو له ملاتړو ادارو غواړي چې د همکارۍ روحيه خپله کړي او له نوي حکومت سره همکاري وکړي تر څو د رسنيز فعاليت لپاره لا بهتره لارې چارې برابرې شي.

د نوي سرپرست حکومت د فرهنګي کمېسیون مرستیال احمد الله وثیق هم وايي: «له هغه وروسته چې طالبانو کابل وینو، تر اوسه رسنۍ په ازادانه ډول فعالیت کوي او پر دوی کوم محدودیت نه دی وضع شوی او که کومې رسنۍ د اقتصادي فعالیت له امله خپل فعالیت درولی وي هغه په موږ پورې اړه نه لري.»

د ده په وينا، که کومې پېښې رامنځته شوي هم وي، هغه حکومت تعقیب کړي او عاملین يې عدلي او امنيتي ارګانونو ته معرفي شوي دي.

ده په دې اړه جزییات نه دي ورکړي.

Views: 14

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.