کندهار (پژواک،۱۷ لېندۍ): کندهار کې يوه ښوونځي د دولسم ټولګي فارغينو څخه د هرې شهادت نامې په بدل کې ٥٠٠ افغانۍ اخيستې، چې له فساد سره مبارزې ځوانانو اتحاد له خوا يې مخه ونيول شوه.
دغه پيسې په داسې حا ل کې له زده کوونکو څخه اخيستل کېدې چې رسمي فيس يې له ٢٠٠ څخه تر ٣٠٠ افغانيو پورې دى.
د کندهار ځوانانو اتحاد د دولسم ټولګي فارغانو له شکایت اورېدو وروسته د قضيې د څېړلو په موخه د پوهنې رياست او اړوندې لېسې سره اړيکې ونيولې.
خو د ياد ښووځي مسوولينو چې په ګزارش کې يې نوم نه دی په ډاګه شوی زده کوونکو ته يې د عکس اخيستلو او ځوانانو اتحاد له غړو سره د ليدنې اجازه ور نه کړه.
د ځوانانو د اتحادیې د غړو له پرله پسې لیدنو وروسته قضیه د فساد د مخنیوي په موخه د لازمو اقداماتو په موخه د پوهنې له ریاست سره شریکه شوه.
قضیه د ځوانانو اتحادیې لخوا تعقیب او د فساد مسله حل شوه.
میرویس نیکه روغتون:
د میرویس نیکه په روغتون کې د ډاکټرانو له خوا له ناروغانو سره ناوړه چلند کېږي او لازم درمل نه ورکول کېږي.
قضیه د عامو خلکو لخوا له ځوانانو اتحادیې سره شريکه شوې، هغوی قضیه وڅېړله او د روغتون له ډاکټرانو سره يې وکتل.
ډاکټرانو دا ستونزه ومنله او د ځوانانو اتحاديې له غړو سره يې ژمنه وکړه، چې په راتلونکي کې به دغه ستونزې نه تکرارېږي.
له څو ورځو وروسته، د ځوانانو اتحاديې مساله تعقیب کړه او و يې موندله چې ستونزه حل شوې او اوس داسې شکایت نشته.
په تخته پل کې روغتيايي کلينيک:
په تخته پل ولسوالۍ کې روغتيايي کلينيک له ډېرې مودې راهيسې د خلکو پر مخ تړل شوی و، خو ډاکټرانو او نرسانو معاشونه نه دي اخيستي.
دا موضوع په ولسوالۍ کې د ځوانانو اتحاديې له خوا له فساد سره د مبارزې تر عنوان لاندې غونډه کې د ټولنې يوه غړي له خوا مطرح شوه.
د ځوانانو اتحادیې قضیه وڅېړله او د روغتون له مسوولینو سره یې د همغږۍ غونډه او د فساد پر موضوع ورسره خبرې وشوې.
د روغتون رییس ژمنه وکړه چې د کلینیک له ټولو همکارانو سره به هماهنګي وکړي، مساله به تعقیب کړي او پایله به یې د ځوانانو اه اتحادیې سره شریکه کړي.
له څو ورځو وروسته اړوندو مسوولینو د ځوانانو له اتحادیې غوښتنه وکړه چې له کلینیک څخه څارنه وکړي او له خلکو هم د خدماتو په اړه پوښتنه وکړي.
کله چې د ځوانانو اتحاد د سيمې څارنه وکړه، روغتيايي مرکز پرانيستی او ټول کار کوونکي يې حاضر وو.
د دا مان روغتيايي کلينيک:
په دامان ولسوالۍ کې روغتيايي کلينيک له ډېرې مودې راهيسې د خلکو پر مخ تړل شوى و، خو ډاکټرانو او نرسانو يې مياشتني معاشونه اخيستل.
دا موضوع په داسې حال کې د ټولنې یوه غړي راپورته کړه چې د ځوانانو اتحادیې په یاده ولسوالۍ کې د فساد پر وړاندې د مبارزې غونډه ترسره کړه.
د ځوانانو اتحاد د اداري فساد دغه دوسیې تر څیړلو مخکې د روغتون له مسوولینو سره د همغږۍ غونډه وکړه، چې د فساد په اړه یې ورسره خبرې وکړې.
د روغتیایی مرکز چارواکو ژمنه وکړه چې له کارمندانو سره به اړيکه ونيسي او موضوع به تعقیب کړي. هغوی زياته کړه چې د خپلو پلټنو پايله به د ځوانانو له اتحاد سره شريکه کړي.
له څو ورځو وروسته مسوو لینو د ځوانانو د اتحادیې څخه وغوښتل چې د کلینک څارنه وکړي او د ټولنې له غړو څخه یې د خدماتو په اړه پوښتنه وکړي.
کله چې د ځوانانو اتحادیې په ولسوالۍ کې څارنه وکړه، کلینیک پرانيستی او ټول کارمندان یې حاضر وو.
د ژغورنې غورځنګ (MPO) د ۲۰۲۱ کال د اپریل په ۳۰ مه د ملګرو ملتونو پراختيايي پروګرام يا UNDP د افغانستان د عمل پروژې په ملاتړ په کندهار ولایت کې د فساد ضد ځوانانو اتحادیه جوړه کړه او د دې شورا له لارې یې د ټولنې خلکو ته د فساد پر وړاندې د مبارزې روزنه ورکړه.
همدارنګه يې پر خلکو بروشرونه هم وویشل شول.
فساد یو له هغو مهمو عواملو څخه دی چې په افغانستان کې د سولې او بیارغونې بهیر کمزوری کوي. د افغانستان تړون او د افغانستان د ملي پراختیا ستراتیژي (ANDS . . .
You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن