لښکرګاه (پژواک، ۲۲ کب ۱۴۰۰): په هلمند کې مسوولین وايي چې د دغه ولايت په نوزاد ولسوالۍ کې یوه کور ته لاسي بم غورځول شوی چې له امله يې يو کس وژل شوی او څلور ټپيان دي.
د هلمند امنيې قوماندانۍ پژواک خبري اژانس ته په لېږلې خبرپاڼه کې ويلي چې دا پېښه تېره شپه د نوزاد ولسوالۍ په کشک کلي کې شوې ده.
په خبرپاڼه کې زیاته شوې چې یاده پېښه د بريدګر او کور د مالک ترمنځ له لفظي شخړې وروسته رامنځته شوې ده.
سرچينې ويلي، امنيتي ځواکونو بريدګر د دې ولسوالۍ په پيراباد سيمه کې نيولی چې له لومړنيو پلټنو وروسته به قضايي ارګانونو ته وسپارل شي.
. . .
