کابل (پژواک، ۱۹ وری ۱۴۰۴) : د امریکا، اروپایي اتحادیې او یو شمیر هیوادونو ځانګړواستازو د افغانستان په تړاو یوه ځانګړې غونډه کې له سرپرست حکومت وغوښتل چې له نړیوالو او افغانانو سره خپلې ژمني کړي.
د امریکا د بهرنیو چارو وزارت او اروپایي اتحادیې لخوا د وري په ۱۹مه، په یوه ګډه خپره شوې خبرپاڼه کې راغلي چې دا غونډه د اپریل د میاشتې په پنځه نیټه د بلجیم په پلازمینه بروکسل کې جوړه شوې وه.
سرچینې زیاته کړې، په دې ناسته کې د امریکا، اروپایي اتحادیې، فرانسې، جرمني، ایټالیا، ناروي او بریتانيا ځانګړو استازو برخه اخیستې وه.
په خبرپاڼه کې راغلي چې د یادې ناستې ګډونوالو په پای کې یوه پنځلس ماده ییز پرېکړه لیک خپور کړ چې له افغانانو سره ددوامداره مرستو او ملاتړ ډاډ ورکړل شوی دی.
دوی زیاته کړې چې نړیواله ټولنه به په افغانستان کې د بشري بحران د مخنیوي په موخه خپلو بشري مرستو ته ادامه ورکوي.
د پریکړه لیک له مخې، یادو هیوادونو د افغانستان د سرپرست حکومت لخوا د نجونو پر ثانوي زده کړو د بندیز پرېکړه غندلې او په ډاګه کړې چې دا پریکړه ددوی له هغو ژمنو څخه سرغړونه ده، چې له افغانانو او نړیوالې ټولنې سره کړي وو.
د یادو هیوادونو استازو له سرپرست حکومت څخه غوښتي دي چې د نجونو پر زده کړو لګیدلي محدودیتونه ژر تر ژره لرې کړي.
په پریکړه کې راغلي، افغانستان سره نړیوالې مرستې د نورو غوښتنو ترڅنګ د نجونو تعلیم پورې مشروطې دي.
سرچینې په ډاګه کړې چې له افغانستان سره د نړیوالې ټولنې اړیکې له افغانانو او نړیوالو سره د طالبانو ژمنو عملي کیدو پورې تړاو لري.
غړيYou need to subscribe to view the full article. Please login or register a new account.
