کابل (پژواک، ۲۴ غبرګولی ۱۴۰۱): د کابل امنیه قومانداني وایي، پولیسو هغه درې کسان نیولي چې د کابل ښار په وروستیو چاودنو کې یې لاس درلود.
د کابل امنیې قوماندانۍ ویاند خالد ځدراڼ د شپې ناوخته په ټویټر کې لیکلي، نن د کابل څلورمې حوزې اړوند د سلیم کاروان څلورلارې ته څېرمه د یو لړ دقیقو کشفي معلوماتو پر اساس هغه درې کسان ونیول شول چې د کابل ښار په ځینو چاودنو کې یې لاس درلود.
هغه زیاته کړې چې یادو کسانو د لومړنیو معلوماتو له مخې پر خپلو ترسره کړو جرایمو اعتراف کړی او ویلي یې دي چې دوی د پیسو په بدل کې دغه ناوړه کارونه کول او موخه یې د عامه نظم اخلال او امنیتي فضا ګډوډول و.
د یادونې ده، څو ورځې مخکې امنیتي مسوولینو د کابل ښار په چاودنو کې لاس لرونکي د داعش د یوه قوماندان د وژلو خبر هم ورکړی و.
Visits: 41
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن