هرات کې درې کسان وژل شوي

<p style="text-align: justify;">[restrict paid="true"]</p>

<p style="text-align: justify;">کابل (پژواک، ۱۱ وږی ۱۴۰۱): د استخباراتو عمومي ریاست وايي، په هرات ولایت کې د عملیاتو پر مهال درې تنه «خوارج» ووژل شول.</p>

<p style="text-align: justify;">د استخباراتو عمومي ریاست تېره ورځ په خپل ټویټرپاڼه کې لیکلي چې د هرات د استخباراتو ریاست ځواکونو د دغه ښار په څلورمه ناحیه کې پر درې تنو «خوارجو» چټک عملیات ترسره کړل چې په پایله کې یې ټول ووژل شول.</p>

<p style="text-align: justify;">د سرچینې په وینا، په دغو عملیاتو کې امنیتي ځواکونو ته کوم زیان نه دی اوښتی.</p>

<p style="text-align: justify;">دغه‌راز، په هرات کې یوې امنیتي سرچینې د نوم نه ښودلو په شرط وویل چې دغه درې «داعشیان» په یوه کور کې ځای پر ځاي شوي وو چې له امنیتي ځواکونو سره په نښته کې ووژل شول.</p>

<p style="text-align: justify;">داعش ډلې بیا په دې اړه تراوسه څه نه دي ويلي.</p>

<p style="text-align: justify;">د یادونې ده چې تېره ورځ يوه ځايي چارواکي وويل چې په فراه کې د دغه ولایت لپاره د داعش ډلې والي په یو برید کې ووژل شو او درې نور همکاران یې له وسلو او تجهیزاتو سره نیول شوي دي.</p>

<p style="text-align: justify;">[/restrict]</p>