اټلانټا (پژواک، ۱۳ وږی ۱۴۰۱): د حماس واکمنې ډلې د فلسطین په غزه ښار کې دوه کسان اسراییل ته د جاسوسۍ او درې نور د قتل په جرم اعدام کړي دي.
د راپورونو له مخې، په تېرو پنځو کلونو کې دا لومړی ځل دی چې حماس په غزه کې په دې تور خلک اعداموي.
د حماس ډلې د وږي په ۱۳مه په یوه خپره شوې خبرپاڼه کې ویلي: «د یکشنبې په سهار دوه کسان له اسراییل سره په همکارۍ او درې نور د جنايي قضیې له کبله اعدام شول.»
سرچینې زیاته کړې، تورنو کسانو ته پوره حق ورکړل شوی و چې له ځانه دفاع وکړي. د حماس د کورنیو چارو وزارت د دغو کسانو مخفف نومونه او د زېږېدو نېټې اعلان کړې او نور معلومات یې نه دي خپاره کړي.
د معلوماتو له مخې، له اسراییل سره د همکارۍ په تور اعدام شوي دوه کسان په ۱۹۷۸ او ۱۹۶۸ میلادي کلونو کې زېږېدلي وو.
د امریکا غږ د راپور له مخې، په دغو دوو کسانو کې یې مشر سړی د محاصره شوې غزې تړانګې د خان یونس اوسېدونکی و.
حماس وايي، دغه کسان په ۱۹۹۱ کال اسراییل ته د مقاومت کوونکو او د هغوی د ځای ځایګي په اړه معلومات ورکول... او د راکټونو توغولو ځایونو به یې ورښودل.»
د سرچینې د معلوماتو له مخې، بل اعدام شوي کس بیا اسرائیل ته استخباراتي معلومات ورکول چې له کبله یې ولسي خلک په نښه شوي او شهیدان شوي دي.
د حماس د کورنیو چارو وزارت د اعلامیې له مخې چې اعدام شوو درېیو نورو کسانو بیا په قتل کې لا درلود.
حماس له دې مخکې هم یو شمېر خلک له اسرایيل سره د «همکارۍ» په تور محکوم کړي وو، خو له ۲۰۱۷ کال راهیسې دا لومړی ځل دی چې اعدام کوي.
حماس په داسې حال کې دغه کسان اعداموي چې د فلسطین په لوېدیځه غاړه کې بیا د محمود عباس په مشرۍ د فلسطین حکومت بیا دا کار نه کوي.
د فلسطینیانو حکومت مشر محمود عباس د ملګرو ملتونو هغه منشور لاسلیک کړی چې د اعدام د سزا اجازه نه ورکوي.
غړيYou need to subscribe to view the full article. Please login or register a new account.
