اټلانټا (پژواک، ۲۰ وږی ۱۴۰۱): د پاکستان حکومت ویلي چې له تېرې یوې میاشتې راهیسې د باران او سېلابونو له امله نږدې ۱۴۰۰ کسان مړه او شاوخوا ۱۳ زره نور ژوبل شوي دي.
د پاکستان جیو ټلوېزیون د بېړنیو پېښو ادارې (اېن ډي اېم ای) د مسوولینو په حواله خبر ورکړی چې نن د سېلابونو له امله پنځه نور کسان هم مړه شوي دي.
سرچینې زیاته کړې چې په دغه هېواد کې سېلابونو تر اوسه نږدې ۱۴۰۰ کسان مړه او شاوخوا ۱۳ زره نور یې ژوبل کړي دي.
حکومتي سرچینو ویلي چې سېلابونو یو میلیون او ۷۳۰ زره کورونه زیانمن کړي او ۷۳۰ زره څاروي یې له منځه وړلي دي.
یادې ادارې ویلي چې په ټولیزه توګه سېلابونو ټول ۳۳ میلیون وګړي زیانمن کړي دي.
بلخوا د ملګرو ملتونو سرمنشي انټوني ګوټیرز پاکستان ته د سفر پر مهال له سیلابځپلو سیمو لیدنه کړې او له نړۍوالې ټولنې یې غوښتنه کړې چې له پاکستان سره بېړنۍ مرستې وکړي.
Views: 49
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن