کلات (پژواک، ۲۸ وږی ۱۴۰۱ ) د زابل د پوهنې ریاست مسوولین وايي، نن یې د دغه ولایت په مرکز کلات کې د ښوونکو په توګه د ګومارنې لپاره له سلګونو کسانو څخه ازموینه واخیسته .
د زابل د پوهنې رئیس مولوي محمدعثمان حریت پژواک خبري اژانس ته وویل، دوی په مرکز کلات، شاه جوی، ښارصفا، شینکۍ، سیوري او میزاني ولسوالۍ کې ۳۸۰ کسان د ښوونکو په توګه ګوماري چې نن یې له يوولس سوه ګډونوالو څخه په همدې موخه ازموینه واخیسته او بریالي کسان به مقرریږي.
ده زياته کړه، په ټولیز ډول دوی په مرکز کلات او ولسوالیو کې ۵۸۰ ښوونکي ګوماري چې د لرې پرتو ولسوالیو لپاره لا له وړاندې ازموینه اخیستل شوې وه.
د هغه په وينا، د نن او لرو ولسوالیو د ازموینو په بهیر کې ۲۰۰۰ کسانو ګډون درلود.
د پوهنې رییس وايي، دغه ښوونکي د یونیسف په مالي ملاتړ او LKRO یا د کندهار د بیا ودانولو موسسې په تخنیکي همکارۍ مقرریږي چې پرمټ به یې په ولسوالیو کې ۸۰ تړلي ښوونځي هم پرانیستل شي او ورسره ۱۳۰۰۰ زدهکوونکو ته د زدهکړي زمینه هم برابره شي.
نوموړي زیاته کړه، د ۸۰ ښوونځیو تر پرانیستلو وروسته د هغوی لپاره د څلور صنفه ودانۍ جوړول هم په پلان کې لري چې کارونه به یې ډېر ژر پیل شي.
په همدې مهال، یو شمېر هغه کسان چې د ازموینې په دغه بهیر کې یې ګډون کړی، خوښي وښوده چې د دوی لپاره د کار کولو زمینه برابریږي.
د غوثالله بختیار په نامه د ازموینې یوه ګډونوال پژواک اژانس ته وویل، خوشحاله دی چې دوی ته نن د کار کولو لپاره چانس پیدا کېږي او دوی ګومارل کېږي.
د هغه په وینا، په زابل کې ډېری لوستي ځوانان شته چې غواړي په تعلیمي ډګر کې کار وکړي او د راتلونکي نسل په روزنه کې ونډه واخلي.
د ازموینې یوې بلې ګډونوالې هیلې پژواک ته وویل، په نننۍ ازموینه کې یې ګډون کړی او غواړي چې د خپلې وړتیا مطابق ازموینه ورکړي او د ښوونکې په توګه په ازموینه کې بریالۍ شي.
د هغې په خبره، که چېرې په ازموینه کې بریالۍ کېږي، په پوره اخلاص او رښتينولۍ سره به کار وکړي او راتلونکي نسل به په اسلامي او عصري زدهکړو سمبال کړي.
غړيYou need to subscribe to view the full article. Please login or register a new account.
