پلعلم (پژواک، ۲۸ وږی ۱۴۰۱): د لوګر د پوهنې ریاست وایي، د دغه ولایت د برهکي برک ولسوالۍ سلګونو ښوونکو ته به د «نواباد بابوکي» په دښته کې د استوګنې نومرې ووېشل شي.
د پوهنې ریاست ویاند شاهپور عرب پژواک خبري اژانس ته وویل: د برهکي برک ولسوالۍ ښوونکو ته په نواباد بابوکي سیمه کې پر ۳۵۰ جریب ځمکه ښارګوټی جوړ شوی او تازه یې د خط اچونې چارې پیل شوې دي.
هغه زیاته کړه، د ښارګوټي اړوند ټولې قانوني چارې بشپړې شوې او له خط اچونې وروسته به پر ۵۵۸ ښوونکو د سرپناه لپاره ځمکې ووېشل شي.
دی وايي: «د لوګر د پوهنې ریاست په هلو ځلو د برهکي برک ولسوالۍ د ښوونکو د سرپناه لپاره په نواباد بابوکي سیمه کې پر ۳۵۰ جریب ځمکه ښارګوټی جوړ شوی چې سر له ننه یې د خط اچونې چارې پيل شوې او په یوه اوونۍ کې به بشپړه شي، په دغه ښارګوټي کې به ۵۵۸ ښوونکو ته د سرپناه نومرې ووېشل شي.»
د برهکي برک ولسوالۍ ښوونکي خوښ دي چې پوهنې وزارت په خپله ولسوالۍ کې د استوګنې ځمکې ورکوي.
د محمداجمل په نوم ښوونکي پژواک خبري اژانس ته وویل، د تېر حکومت پر مهال د برهکي برک ولسوالۍ له ښوونکو سره د سرپناه لپاره د ځمکو د ورکړې ژمنې شوې وې خو عملې نه شوې.
هغه زیاته کړه: «ډېر خوښ یم چې زموږ په ولسوالۍ کې د ښوونکو ښارګوټي د خط اچونې چارې پیل شوې، زما غوښتنه دا ده چې په ټول هېواد کې دې په ښوونکو د استوګنې ځمکې ووېشل شي.»
د محمداغې ولسوالۍ یوه ښوونکي شریف الله پژواک خبري اژانس ته وویل، پوهنې وزارت ته په کار ده چې د لوګر د مرکز پلعلم په ګډون د محمداغې، څرخ، برهکي برک، خروار او ازرې ولسوالیو ښوونکو ته هم د استوګنې نومرې ورکړي.
هغه زیاته کړه، د تېر نظام پر مهال په ډېرو ولسوالیو کې د ښوونکو ښارګوټي په نښه شوي، په یو شمېر ولسوالیو کې د ښارګوټو خط اچونه شوې او یو شمېر ښوونکو پيسې هم تحویل کړې دي، خو تر اوسه ځمکې نه دي ورکول شوې.
د یادونې ده، د پوهنې وزارت له لوري یوازې د لوګر د مرکز پلعلم ښوونکو ته د سرپناه نومرې وېشل شوې او د پاتې ولسوالیو ښوونکو ته په خپلو ولسوالیو کې د سرپناه لپاره ځمکې ځانګړې شوې خو تر اوسه پورې نه دي وېشل شوې.
غړيYou need to subscribe to view the full article. Please login or register a new account.
