نیلي (پژواک، ۶ تله ۱۴۰۱): د دایکنډي د میرامور ولسوالۍ امنیتي چارواکي وایي، نن ماسپښین د یوې ترافیکي پېښې له امله دوه کسان مړه او نهه نور ټپیان شوي دي.
د میرامور امنیه قوماندان محمدعلي فدایي وویل، د دغې ولسوالۍ په «ورسل» کلي کې د یوه فلانکوچ موټر د چپه کېدو پېښه کې دوې ښځې مړې او ۹ نور کسان ټپيان شوي دي.
هغه زیاته کړه، دغه پېښه نن ماسپښین شاوخوا ۱۲ بجې داسې مهال شوې چې یاد موټر له ۱۴ سپرلیو سره – چې ډېری یې ښځې وې – د میرامور ولسوالۍ له «ورسل» کلي نه د «سمنګان» کلي پر لور د بشري مرستو ترلاسه کولو په موخه روان و.
د یادې ولسوالۍ امنیه قوماندان د ځینو ټپیانو روغتیایي وضعیت د اندېښنې وړ وباله او زیاته یې کړه، د پېښې د ارزونې په موخه تحقیقاتي او روغتیايي ټیمونه استول شوي دي.
دا په داسې حال کې ده چې د دایکنډي چارواکي وایي، روان کال په دغه ولایت کې د ترافیکي پېښو له امله تر ټولو ډېره مرګژوبله په میرامور ولسوالۍ کې ثبت شوې ده.
غړيYou need to subscribe to view the full article. Please login or register a new account.
