مهترلام (پژواک، ۹ تله ۱۴۰۱): د لغمان امنیه قومانداني وايي، په تېره یوه میاشت کې يې د بېلابېلو جرمونو په تړاو ۶۷ کسان نیولي دي.
د دغه ولایت د امنيې قوماندانۍ وياند یونس یوسفزي نن (د تلې ۹مه) پژواک خبري اژاسن ته په رالېږلې خبرپاڼه کې ويلي: «له جنايي جرمونو سره د مبارزې مدیریت پولیسو په تېره یوه میاشت کې د بېلابېلو جرمونو په تړاو ۶۷ کسان نیولي دي.»
په خبرپاڼه کې راغلي چې یاد کسان د غلا، قتل، خلکو ځورولو او اخلاقي فساد په تور نیول شوي او ټول عدلي او قضايي ارګانونو ته سپارل شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP