اټلانټا (پژواک، ۴ لړم ۱۴۰۱): د افغانستان د سرپرست حکومت ویاند ذبیحالله مجاهد وایي چې هېواد یې د فلسطین له داعیې ملاتړ کوي.
نوموړي تېره شپه ناوخته پر خپله ټویټرپاڼه لیکلي، ترکیې ته د سفر پر مهال یې هلته د فلسطین هېواد د حماس ګوند د سیاسی دفتر له مشر اسماعیل هنیه او مل پلاوي سره وکتل.
سرچینې زیاته کړې چې دواړو لورو د فلسطین او افغانستان په وضعیت خبرې وکړې.
د اسلامي امارت ویاند وایي، افغان استازو د فلسطین او اقصی قضیه د ټول امت ستونزه وبلله او د فلسطینیانو له داعیې یې ملاتړ وکړ.
د یادونې ده، ذبیح الله مجاهد د علماوو په یوه کنفرانس کې د ګډون لپاره ترکیې ته تللی دی.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن