کابل (پژواک، ۲۱ لړم ۱۴۰۱): د استخباراتو ریاست وایي، د کابل د ۱۷مې حوزې اړوند سیمه کې ۲۴ او په سرپل ولایت کې یې ۱۲ میله وسلې او یوه اندازه مهمات ترلاسه کړي دي.
د استخباراتو لوی ریاست پر خپله ټويترپاڼه ليکلي چې منسوبینو یې د یو لړ کشفي راپورونو پر بنسټ د کابل ښار ۱۷مې حوزې اړوند سیمه کې ۱۲ تومانچې، لس کلاشينکوفونه، يو پيکا، یو ار پي جي راکټ او یوه اندازه مهمات ترلاسه کړي دي.
دغه راز، سرچينه زياتوي چې د سرپل د استخباراتو ریاست منسوبینو هم وسلې او مهمات ترلاسه کړي دي.
د سرچينې له خوا د نیول شوو یادو وسلو ویډیو خپره کړې ده؛ په ویډیو کې شپږ کلاشينکوفونه، درې پیکا، درې تومانچې، يوه مخابره، يو دوربين او یو شمېر مرمۍ تر سترګو کېږي.
سرچینه د جزئیاتو له ورکولو پرته لیکي چې په کابل او سرپل کې ترلاسه شوې وسلې او مهمات په ناقانونه توګه ساتل کېدل.
غړيYou need to subscribe to view the full article. Please login or register a new account.
