کابل (پژواک، ۲۸ لړم ۱۴۰۱): د حج او اوقافو وزارت وايي، د ټول هېواد د امامانو او خطیبانو لپاره يې متحده خطبه ترتیب کړې او لازمه ده چې په ويلو سره يې د اتفاق او يووالي څرګندونه وکړي.
د ارشاد، حج او اوقافو وزارت په خپل ټويټرپاڼې د اعلاميې په خپرولو سره ويلي چې پر اسلامي امت د الله تعالی له لويو نعمتونو څخه یو نعمت دا دی چې ځیني داسې غوره او ځانګړي وختونه يې ورته ټاکلي چې په هغو کې د نېک عمل اجر ډېر زیات وي، د بندګانو ګناهونه بښل کېږي او لوړې درجې یې په برخه کېږي؛.یو له دغو غوره وختونو څخه د جمعې مبارکه ورځ ده چې الله تعالی د اسلامي امت لپاره ځانګړې کړې او د مسلمانانو لپاره د اونۍ اختر ګرځولی دی.
سرچينه زياتوي، الله تعالی په دې ورځ کې پر مسلمانانو د جمعې لمونځ فرض کړی او د جمعې خطبې اورېدل يې واجب کړي دي؛ د جمعې خطبه خپل آداب او مستحبات لري او له مستحباتو څخه یې یو د وخت امیر او حاکم ته د خیر او صلاح، پر شريعت د استقامت او پر دښمنانو د بري دعاء کول دي؛ د وخت سلطان او حاکم ته دعاء هغه څه دي چې د صحابهوو په زمانه کې به کېدله.
سرچينه کاږي، امام احمد بن حنبل او فُضیل بن عیاض او نورو ویلي، که چېرې زموږ یوازې یوه دعاء قبلیږي، نو موږ به یې عادل بادشاه ته وکړو؛ همدا راز د عثماني خلافت په دوران کې به په خطبو کې عثماني خلفاوو ته دعاء کېدله.
یاد شوی وزارت وايي: «د پورتنیو دلائلو او متوارث تعامل په بناء به د ظاهرشاه په وخت کې هم ده ته په خطبو کې دعاء کېدله او د افغانستان اسلامي امارت د لومړي دور د حاکمیت په وخت کې به هم د وخت امیرالمؤمنین ملا محمد عمر مجاهد رحمه الله ته دعاء کېدله.»
سرچينه وايي، په همدې موخه د ارشاد، حج او اوقافو وزارت د ټول هېواد امامانو او خطيبانو لپاره یوه متحده خطبه ترتیب کړه چې د خطبې ټول ارکان، سنتونه او آداب په کې رعایت شوي او د افغانستان اسلامي امارت د مقام له خوا تصویب شوې ده؛ نو د هېواد پر ټولو امامانو او خطيبانو لازمه ده چې د جمعې په ورځ د همدغې خطبې په ویلو سره د خپل اتفاق او يووالي څرګندونه وکړي.
غړيYou need to subscribe to view the full article. Please login or register a new account.
