لومړى تعقيب-جلالاباد (پژواک، ١٥ لېندۍ ١۴٠١): د ننګرهار مرکز جلالاباد ښار د صرافۍ په مارکېټ کې دننه چاودنه شوې چې له امله يې نهه کسان ټپيان شوي دي.
په سيمه کې يو شمېر کسان وايي چې دغه چاودنه نن له غرمې وروسته د جلالاباد ښار د تالاشۍ څلورلارې د صرافۍ په مارکېټ کې دننه د پېسو د بولۍ په ځاى کې شوې ده.
د ننګرهار د اطلاعاتو او کلتور رییس قاري نورمحمد حنيف هم پژواک ته وويل چې دغه چاودنه د جلالاباد ښار د صرافۍ په مارکېټ کې شوې ده.
ده وويل، په ياده پېښه کې شپږ کسان ټپيان شوي چې روغتيايي حالت يې د ډاډ وړ دى.
د نوموړي د معلوماتو له مخې، امنيتي مسئوولينو د پېښې څرنګوالي او مجرمينو نيولو په موخه هڅې پيل کړې دي.
دغهراز د ننګرهار حوزوي روغتون يوه نوکريوال ډاکټر د نوم نه خپرولو په شرط پژواک خبري اژانس ته وويل، له يادې چاودنې تر اوسه نهه ټپيان روغتون ته لېږدول شوي دي.
د يادونې ده، نن سهار د بلخ ولايت په مرکز مزارشريف ښار کې هم د يوې چاودنې له امله اته کسان وژل شوي او نهه نور ټپيان شوي دي.
غړيYou need to subscribe to view the full article. Please login or register a new account.
