خوست ښار (پژواک، ۱۷ لېندۍ ۱۴۰۱): په خوست ولایت کې د ناپېژانده وسلهو الو له خوا د بادشاهګل په نوم یو قومي مشر وژل شوی دی.
د خوست امنيې قوماندانۍ مطبوعاتي مسوول مستغفر ګربز د پېښې په تاييد سره پژواک خبري اژانس ته وويل چې ياد قومي مشر نن سهار د تڼیو ولسوالۍ اړوند د حصار په سیمه کې وژل شوی دی.
نوموړي زیاته کړه چې امنيتي ځواکونو په دې اړه جدي پلټنې پيل کړې، څو د پېښې عاملين ژر تر ژره پيدا او د قانون منګولو ته يې وسپاري.
بلخوا، مخکنۍ ولسي جرګه کې د خوست د خلکو استازي کمال ناصر اصولي په خپله فیسبوکپاڼه کې لیکلي چې حاجي بادشاهګل نن سهار کله چې له خپل کوره راوځي، د ولسوالۍ په ۵۰۰ مترۍ کې د تلاشۍ ځای ته نږدې وژل شوی دی.
هغه زیاته کړې: «په چیک پاینټ کې پنځه کسان د استخباراتو په یونیفورم کې ولاړ وو، حاجي صاحب بادشاهګل یې له ځانه سره وړی او ورېرونو ته یې ویلي چې بیا د استخباراتو ریاست ته راشئ.»
د اصولي په وینا، پنځه دقیقې وروسته په هماغه سیمه کې د ډزو غږونه اورېدل کېږي او حاجي بادشاهگل یې وژلی و.
هغه د سرپرست حکومت له مشرانو او د خوست ولایت له رهبرۍ هیله کړې چې د خوست د تڼیو ولسوالۍ د دغه قومي مشر قاتلین پیدا کړي او له شریعت سره سم سزا ورکړي.
غړيYou need to subscribe to view the full article. Please login or register a new account.
