د حج وزارت: بالغې نجونې د کابل ښار د جوماتونو مدرسو کې زده‌کړې نه شي کولی

[restrict paid="true"]

<p style="text-align: justify;">اټلانټا (پژواک، ۳ مرغومی ۱۴۰۱): د ارشاد، حج او اوقافو وزارت وایي چې بالغې نجونې یوازې د کابل ښار د جوماتونو مدرسو ته له ورتلو منع شوې دي.</p>

<p style="text-align: justify;">د دغه وزارت له خوا د مرغومي په ۳مه په خپره شوې یوه خبرپاڼه کې راغلي چې د جوماتونو او حسینیو چارو انسجام عمومي ریاست له خوا یوازې د کابل ښار په هغو جوماتونو کې چې د بالغو نجونو مدرسې په کې وي، د نه ورتلو حکم شوی.</p>

<p style="text-align: justify;">سرچینې زیاته کړې، د هغو ښځینه دیني مدارسو په اړه چې په جوماتونو کې نه دي، هیڅ نه دي ویل شوي.</p>

<p style="text-align: justify;">له دې مخکې د لوړو زده‌کړو وزارت د لېندۍ په ۲۹مه اعلان وکړ چې په هېواد کې د نجونو لوړې زده‌کړې تر بل امر پورې وځنډول شوې.</p>

<p style="text-align: justify;">د وزارت په خبرتیا کې راغلي: «د هېواد ټولو دولتي او خصوصي پوهنتونونو ته خبر ورکول کېږي چې د ۱۴۴۳ هجري قمري کال د کابینې ۲۸مې ګڼې مصوبې پرېکړې له مخې، د اناثو تحصیل هم تر امر ثاني پورې معطل شو.»</p>

<p style="text-align: justify;">دا په داسې حال کې ده چې د کابل ښار په ښوونیزو کورسونو کې هم د مسوولینو د امر پر اساس د نجونو زده‌کړې بهیر ډول ځنډول شوي دي.</p>

<p style="text-align: justify;">د افغانستان د سرپرست حکومت یادې پرېکړې په ملي او نړۍواله کچه غندل شوې دي؛ د ملګرو ملتونو او ګڼ شمېر هېوادونو ترڅنګ د اسلامي همکاریو سازمان او د ازهر مشر هم له دغه کار سره مخالفت څرګند کړی دی.</p>

[/restrict]