ګردېز (پژواک، ١٠ مرغومى ١٤٠١): د پکتيا په مرکز ګردېز کې د يوې ښځې په ګډون پنځو کسانو ته تعزيري سزا ورکړل شوه.
د پکتيا ولايت مقام له مطبوعاتي دفتره په خپره شوه خبرپاڼه کې راغلي چې دغه کسان څه موده مخکې د غلا او اخلاقي فساد په تور نيول شوي وو چې نن د ښاري لومړنۍ محکمې له لوري ورته تعزیري سزا ورکړل شوه.
سرچينه وايي، پر یادو مجرمینو د سزا حکم د دولتي چارواکو او عامو خلکو په حضور کې تطبیق شوی دی.
خو سرچينې دغو پنځو کسانو ته د سزا ورکولو ځای نه دی په ډاګه کړی او دا یې هم نه ده روښانه کړې چې دغو کسانو ته يې د کوم جرم په مقابل کې څومره سزا ورکړې ده.
که څه هم له دې مخکې د هېواد په ځینو نورو ولايتونو کې هم يو شمېر کسانو ته په عام محضر کې د سزا ورکولو راپورونه خپاره شوي، خو د سرپرست حکومت له واکمنېدو وروسته په پکتيا کې دا لومړی ځل دی چې پنځو کسانو ته تعزيري سزا ورکول کېږي.
غړيYou need to subscribe to view the full article. Please login or register a new account.
