restrict paid="true"]
اټلانټا (پژواک، ۱۷ سلواغه ۱۴۰۱): د فلسطین په لوېدیځه غاړه کې د اسرایلي ځواکونو برید کې د حماس ډلې پنځه غړي وژل شوي دي.
د رویټرز خبري اژانس خبر له مخې، د حماس امنیتي څانګې القسام ویلي چې اسرایلي ځواکونو د فلسطین لوېدیځې غاړې په عقبه جبر مهاجر کمپ کې چاپه اچولې او پنځه کسان یې وژلي دي.
حماس ګواښ کړی چې د خپلو پنځو غړو غچ به اخلي.
بلخوا اسرایل ویلي چې د چاپې موخه د هغو وسلهوالو نیول وو چې پر اسرایلیانو يې د برید پلان درلود.
د فلسطیني ولسمشر محمود عباس د اسرایلي دغه یرغل غندلی دی.
د یادونې ده، څو ورځې مخکې د اسرایل په مرکز یروشلم کې د یهودانو پر یوې عبادتخانې برید کې اووه کسان وژل شوي وو.
[/restrict . . .
