د امریکا په مشیګان پوهنتون کې ډزې؛ ۸ کسانو ته مرګ‌ژوبله اوښتې

کابل (پژواک، ۲۵ سلواغه ۱۴۰۱): د راپورونو پر اساس، د امریکا متحده ایالتونو د مشیګان په ایالتي پوهنتون کې د یوه وسله‌وال په ډزو کې دری کسان وژل شوي او پنځه نور ټپیان دي.

رویټرز خبري اژانس نن (سه شنبه) راپور ورکړی چې دغه پېښه تېره شپه ناوخته (دوشنبه) شوې ده.

په راپور کې راغلي چې د پېښې شکمن کس د امنیتي ځواکونو له خوا وژل شوی دی.

د راپور پر اساس، د یادې پېښې د ځینو ټپیانو روغتیایي حالت ښه نه دی.

تر اوسه د دغو ډزو علت روښانه شوی نه دی.

د ویلو ده چې له دې وړاندې هم د امریکا په ډېرو ځایونو کې ورته پېښې رامنځته شوې دي.