[restrict paid="true"]
اټلانټا (پژواک، ۲۷ سلواغه ۱۴۰۱): افغانستان د کرکټ د درېیو شل اوریزو سیالیو لړۍ په لومړۍ لوبه کې متحده عربي اماراتو ته ماتې ورکړه.
لومړۍ شل اوریزه لوبه د متحده عربي اماراتو د ابو ظهبۍ نړۍوال لوبغالي کې ترسره شوه؛ د دې لوبې پچه افغانستان وګټله او لومړی یې د توپوهنې پرېکړه وکړه.
د متحده عربي اماراتو لوبډلې په ټاکل شوو ۲۰ اورونو کې د پنځو لوبغاړو په سوځېدو سره ۱۴۲ منډې جوړې کړې او افغانستان ته یې د ۱۴۳ منډو هدف ورکړ.
د افغانستان له لوري راشدخان دوه او عظمت عمرزي یو لوبغاړي وسوځول، دوه لوبغاړي رن اوټ شول.
ملي لوبډلې یاد هدف د شلم اوور په لومړي توپ ترلاسه او لوبه یې وګټله.
د افغانستان له لوري کریم جنت ۵۳ او افسر ځاځي ۴۸ د پام وړ منډې جوړې کړې او کریم جنت د لوبې غوره لوبغاړی اعلان شو.
د افغانستان او متحده عربي اماراتو ترمنځ به دویمه لوبه د شنبې په ورځ ترسره شی.
[/restrict]
