محمودراقي (پژواک، ۱۲ کب ۱۴۰۱): د کاپیسا امنیه قومانداني وايي چې د دغه ولایت په نجراب ولسوالۍ کې یو ځوان د ښکاري ټوپک خطايي ډز له امله ژوند له لاسه ورکړی دی.
د کاپیسا امنیې قوماندانۍ د رسنیو او عامه اړیکو دفتر د یوې خبرپاڼې په خپرولو ویلي چې تېره ورځ د دغه ولایت د نجراب ولسوالۍ د «دلیار خارج دره» کلي کې یو ځوان په تېروتنه د ښکاري ټوپک ډز له امله وژل شوی دی.
سرچینه لیکي: «د ادریس په نوم یوه ځوان له بل ځوان سره په چرهیي ټوپک لوبې کولې چې ناڅاپه ډز شوی چې په پایله کې ادریس نومی د سترګې په برخه کې ټپي کېږي چې خپلوان یې لومړی د ولسوالۍ کلینیک ته او بیا یې د پنجشېر ایمرجنسي روغتون ته وړي خو هلته یې ساه ورکړې ده.»
په خبرپاڼه کې راغلي چې د دې پېښې په تړاو څوک نیول شوي نه دي؛ ځکه د کورنۍ غړو یې پر چا ادعا نه ده کړې.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن