قلعهنو (پژواک، ۲۷ کب ۱۴۰۱): د باغیس امنیه قومانداني د دغه ولایت په مرکز قلعهنو ښار کې د یوې ۵۰ کلنې ښځې د مړي پیدا کېدو خبر ورکوي.
د بادغیس د امنیې قوماندانۍ ویاند صدیقالله صدیقي نن (د کب ۲۷مه) د یوې خبرپاڼې په خپرولو سره ویلي، دغه جسد وړمه ورځ (پنجشنبه) مازیګر مهال د دغه ولایت مرکز قلعهنو ښار د لومړۍ ناحیې په مربوطاتو کې موندل شوی دی.
په خبرپاڼه کې راغلي چې یاده ښځه په ډزو وژل شوې ده.
سرچینې له جزئیاتو پرته لیکلي چې د یادې ښځې مړی خپلې کورنۍ ته یې سپارل شوی دی.
صدیقي د پېښې د لامل په اړه معلومات نه دي ورکړي خو وايي، د پېښې په اړه د دوی پلټنې روانې دي.
د امنیې قوماندانۍ ویاند زیاته کړې چې وژل شوې ښځه د قلعهنو ښار د لومړۍ ناحیې اوسېدونکې وه.
Visits: 13
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن