کابل (پژواک، ۲۷ کب ۱۴۰۱): د افغانستان د کرکټ له ۱۹کلنو کمعمره ملي لوبډلې د درېاړخيزې پنځوس اووریزې لوبلړۍ په لومړۍ لوبه کې بنګلهدېش ته د ۷ ویکټو په توپیر ماتې ورکړه.
د افغانستان، بنګلهدېش او سریلانکا ترمنځ درېاړخیزه پنځوس اوریزه لوبلړۍ نن په متحده عربي اماراتو کې پیل شوې چې درې واړه لوبډلې به د یو بل پر وړاندې دوه- دوه سیالۍ وکړي.
د دغو سیالیو لومړۍ لوبه د افغانستان او بنګلهدېش ترمنځ نن وشوه.
په دغه لوبه کې بنګلهدېش لومړۍ پچه وګټله او په خپله یې د توپوهنې پرېکړه وکړه چې په ۲۳م اوور کې یې د ټولو لوبغاړو په سوځېدو ۷۵ منډې وکړې او افغانستان ته یې د ۷۶ منډو هدف وټاکه.
افغان لوبډلې ټاکل شوی هدف په لسم اوور کې د درېیو لوبغاړو په سوځېدو پور کړ او بنګلهدېش ته یې د ۷ ویکټو په توپیر لویه ماتې ورکړه.
د افغانستان له لوري په توپاچونه کې بشیر احمد څلور، کامران هوتک درې، خلیل احمد دوه او یما عرب بیا د بنګلهدېش یو لوبغاړی وسوځول؛ دغهراز په توپوهنه کې بیا سهیل خان ۳۳ او محمد هارون ۲۱ منډې وکړې.
له دې مخکې د افغانستان او بنګلهدېش لوبډلو ترمنځ دوه یو ورځنۍ لوبې وشوې چې یوه یې افغانستان او یوه بنګلهدېش وګټلې.
غړيYou need to subscribe to view the full article. Please login or register a new account.
