خوست ښار (پژواک، ۱ وری ۱۴۰۲): خوست کې د ځمکې د ملکيت پر سر د دوو کورونيو تر منځ شخړه په وسله واله نښته اوښتې چې په پایله کې یې له دواړو لورو يو کس وژل شوی او ۶ نور ژوبل شوي دی.
د خوست د امنیې قوماندانۍ مطبوعاتي مسوول مستغفر ګربز پژواک اژانس ته وويل چې دغه پېښه نن له غرمې وروسته د دغه ولایت د باک ولسوالۍ په «بډۍ» په سيمه کې شوې ده.
هغه زیاته کړه، دوو کورنیو د ځمکې د ملکیت پر سر دعوه لرله چې لومړی یې لفظي شخړه کړې او وروسته یې پر یو او بل ډزې کړې دي.
دی وايي، د دواړو لورو تر منځ په ډزو کې یو کس وژل شوی او ۶ کسان ټپيان شوي دي.
د ده په خبره، له پېښې سمدستي وروسته امنیتي کسان سیمې ته تللي او په دې تړاو یې دوه کسان نیولي چې د څېړنو لپاره به عدلي او قضايي ارګانونو ته ور وپېژندل شي.
د سید امین په نوم د سیمې یوه اوسېدونکي پژواک اژانس ته وويل په پېښه کې وژل شوی کس سلېمان نومېده چې څلور ورځې مخکې يې واده کړی و.
څو ورځې مخکې بیا د دغه ولايت په ګربزو ولسوالۍ يو روږدي کس د ټوپک په ډزو د خپلې کورنۍ دوه غړي وژلي وو او دوه نور یې ټپيان کړي وو چې وروسته قاتل د امنیتي کسانو په ځوابي ډزو کې وژل شوی و.
غړيYou need to subscribe to view the full article. Please login or register a new account.
