ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې د خونې چت لوېدو له امله څلور کسان ټپیان شوي

ننګرهار کې د خونې چت لوېدو له امله څلور کسان ټپیان شوي

author avatar
5 Apr 2023 - 11:42
ننګرهار کې د خونې چت لوېدو له امله څلور کسان ټپیان شوي
author avatar
5 Apr 2023 - 11:42

جلال‌اباد (پژواک، ۱۶ وری ۱۴۰۲): د ننګرهار په سپين غر ولسوالۍ کې د يوې خونې چت لوېدو له امله څلور کسان ټپيان شوي دي.

د ننګرهار ولايت مقام رسنيو له دفتره د وري په ۱۶مه پژواک اژانس ته راستول شوې خبرپاڼه کې راغلي، د سپين غر ولسوالۍ په سرخاب‌ژۍ سيمه کې د يوه کور د خونې چت لوېدلی دی.

خبرپاڼه زياتوي، په یاده پېښه کې څلور کسان ټپيان شوي دي.

د خبرپاڼې د معلوماتو له مخې، د سپين غر ولسوالۍ مسوولين د پېښې ځای ته پر وخت رسېدلي چې د دوو ټپیانو درملنه په سيمه کې شوې او دوه نور د ښې درملنې په موخه د جلال‌اباد حوزوي روغتون ته لېږدول شوي دي.

د سيمې يوه اوسېدونکي اکبرخان پژواک ته وويل، یاده پېښه په يوه بې‌وزلې کورنۍ کې شوې ده.

هغه وويل، یاده خونه د بارانونو له امله ډېره خرابه شوې وه نو ځکه یې چت لوېدلی دی.

د يادونې ده، تر دې وړاندې هم د ننګرهار ولايت په بېلابېلو سيمو کې ورته پېښې رامنځته شوې چې له امله يې يو شمېر کسانو ته مرګ‌ژوبله اوښتې وه.

 

Visits: 167

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.