ښرنه (پژواک، ۲۸ ورى ۱۴۰۲): د پکتیکا د مخابراتو او ټکنالوژۍ ریاست وایي، د دغه ولایت په دوو ولسوالیو زیړوک او نکه کې د لومړي ځل لپاره مخابراتي او انټرنېټي خدمات پیل شول.
په پکتيکا کې د اترا ادارې ولایتي مسوول ابراهیم جاهد پژواک ته وویل، نکه او زیړوک هغه غرنۍ ولسوالۍ دي چې تر اوسه پکې مخابراتي خدمات نه وو.
خو هغه وايي چې د لومړي ځل لپاره په يادو ولسواليو کې د افغان بېسیم مخابراتي شرکت له خوا خدمات پیل شوي دي.
جاهد زیاتوي، دوی هڅه کوي چې د پکتیکا ټولې هغه سیمې تر مخابراتي پوښښ لاندې راولي چې تر اوسه دا اسانتیاوې نه لري.
بلخوا خلک هم دغه خدماتو ته خوښ دي.
د زیړوک اوسېدونکي محمد منیر پژواک ته وویل، خوښ دى چې دا مهال يې په کلي کې مخابراتي او انټرنېټې خدمات پيل شوي دي.
منیر وایي: «مخکي چې به موږ له خپلو مسافرو سره تماس نیوه، نو مجبور وو چې اورګون، سروبي یا بلې ولسوالۍ ته ولاړ شو او بیا اړیکه وکړو، خو اوس دا مشکل حل شو.»
د یادونې ده، څه موده وړاندې د پکتیکا په ډیله ولسوالۍ کې هم د لومړي ځل لپاره مخابراتي خدمات پیل شول، خو لا هم د دغه ولايت شپږ ولسوالۍ له مخابراتي اسانتیاوو بېبرخې دي.
غړيYou need to subscribe to view the full article. Please login or register a new account.









